President Cyril Ramaphosa u tivisa nkosi wo hlawuleka wa Dr. Tito Mboweni

President Cyril Ramaphosa u tivise nkosi wa ximfumo wo hlawuleka wa xiyenge xa 2 wa mufi khale ka holobye wa Timali, Dokodela Tito Mboweni, loyi a nga hundza emisaveni hi ti 12 ta Nhlangula 2024, a ri na malembe ya 65. Ku xixima loku ko hlawuleka ku lemuka ku hoxa xandla lokukulu ka Dokodela Mboweni eka ikhonomi ya Afrika Dzonga na timfanelo ta vatirhi.

Dokodela Mboweni u tirhile tani hi holobye wo sungula wa Vatirhi kusukela hi 1994 kuya fika hi 1999 ehansi ka President Nelson Mandela.  Endzhaku, u vile mulawurinkulu wa South African Reserve Bank ku ringana khume ra malembe. Sweswinyana, u vile holobye wa Timali ku sukela hi 2018 ku ya eka 2021, laha a kongomiseke eka ndzayo ya swa timali na ku cinca ka ikhonomi.

Vuxokoxoko bya nkosi
Nkosi wo hlawuleka wa ximfumo wu ta khomeriwa erivaleni ra mintlangu ra Nkowankowa eTzaneen, eka xifundzhankulu xa Limpopo, hi Mugqivela, Nhlangula 19, 2024, hi awara ya khume nimixo. Ntirho lowu wu ta katsa swiyenge swa ximfumo leswi hleriweke hi South African Police Service.

Ku tsundzuka Dokodela Mboweni, President Ramaphosa u tlhele a lerisa leswaku mujeko wa rixaka wu hahela hansi eka switichi hinkwaswo swa mijeko ku sukela hi ti 16 Nhlangula ku fikela madyambu ya nkosi.

GCIS