Ku kumiwile ntsumbu wa wansati loyi a nga tivekiki wu hisiwile ePhalaborwa

Maphorisa ePhalaborwa ya le ku lavisiseni ka nandzu wo dlaya, endzhaku ka loko ku kumiwile ntsumbu lowu hisiweke wa wansati loyi a nga tivekiki hi Mugqivela, 22 Khotavuxika 2024, kwalomu ka awara ya 5:30 etlhelo ka patu ra gravel etlhelo ka Heavy Industrial Area leyi nga ehansi ka xifundzhantsongo xa Mopani.  Kuya hi mahungu, Maphorisa ya vitaniwile eka ndzhawu yo dlaya naswona loko va fika, va kume ntsumbu lowu hisiweke wa wansati wu etlele egondzweni ra gravel. 

Vatirhi va vukorhokeri bya swa vutshunguri bya xihatla va vitaniwile, naswona loko va fika, muhlaseriwa u tiyisisiwile leswaku u hundze emisaveni endhawini ya mhangu. Maphorisa ya pfule nandzu wo dlaya naswona vuxokoxoko bya yena a byi se tiveka.  Swiyimo leswi rhendzeleke mhangu leyi swa ha ri ehansi ka vulavisisi bya Maphorisa. Ku hlotiwa ka muehleketeleriwa loyi a khumbekaka ku le ku endliweni. 

Maphorisa ya endla xikombelo eka mani na mani loyi a nga na mahungu lama nga tisaka ku khomiwa ka vaehleketeleriwa lava khumbekaka ku hatlisa a tihlanganisa na Muofisiri wa Vulavisisi Sejeni Refiloe Mashale eka 082 319 9739 kumbe nomboro ya Crime Stop eka 08600 10111 kumbe xitichi xa maphorisa xa le kusuhi kumbe ku tirhisa MySAPS App.  Vulavisisi bya maphorisa byi ya emahlweni.