Khoto ya Giyani yi gweva wa xinuna malembe ya khume ntlhanu hi nandzu wo pfinya

Khoto ya Giyani yi vonile nandzu no gweva muhehliwa Languthani Rikhotso (28) ku tshama ekhotsweni malembe ya khume ntlhanu (15) hi ku pfinya wansati wa makume mbirhi mbirhi (22) wa malembe hi vukhale emugangeni wa Gandlanani. Nandzu lowu wu hetisisiwile hi Musumbhunuku wa ti 20 Mawuwani 2024.

Khoto yi twile leswaku hi Mugqivela, 08 Hukuri 2023, muxanisiwa u humile e tavern laha a ri karhi a nwa kona loko muhehliwa a kombela ku n’wi heleketa endhawini ka vona. Loko va fika laha a tshamaka kona, u kombele muxanisiwa leswaku a etlela na yena; muxanisiwa u arile, kutani ku va na ku holova loku pfuxeke makwavo lontsongo wa muhehliwa, loyi a vutiseke muhehliwa.

Loko va ha vulavula, muhehliwa u tlule darata a ringeta ku baleka. Muhehliwa u n’wi landzelerile, a n’wi khoma, a n’wi yisa ekhwatini a n’wi pfinya. Muxanisiwa u kotile ku balekela ekerekeni ya le kusuhi laha anga pfuneka kona. Maphorisa ma tivisiwile hi mhangu leyi, naswona ku pfuriwe nandzu wo pfinya.

Muhehliwa u khomiwile hi ti 08 Hukuri 2023 emugangeni wa Gandlanani. Kutani nandzu lowu wu hundziseriwe eka FCS (Family Violence, Child Protection and Sexual Offences Units) Giyani ku ya emahlweni na vulavisisi kutani wu nyikiwa Sejeni Mathebula Amukelani. Muhehliwa u nyikiwile beyili ya R1000 hi ti 16 Hukuri 2023.

U tlhele a humelela ekhoto; u voniwe nandzu hi ti 20 Mawuwani 2024, naswona u gweviwe ku tshama ekhotsweni malembe ya 15 hikwalaho ko pfinya. Khomixinara wa Xifundzankulu wa Maphorisa ya Afrika Dzonga eLimpopo Lieutenant General Thembi Hadebe u amukerile xigwevo lexi. Khoto yi vule leswaku muhehliwa a nga fanelanga ku va na xibalesa na leswaku vuxokoxoko bya yena byi ta katsiwa eka Rhijisitara ra Rixaka ra Vadyohi va swa Masangu.

SAPS