Dokodela Phophi Ramathuba u hlawuriwile tani hi premier wo sungula wa xisati wa Limpopo

Dokodela Phophi Ramathuba u hlawuriwile kuva premier lontshwa eka ntshamo wa huvo yo endla milawu ya xifundzhankulu e Lebowakgomo handle kale Polokwane. U endla matimu tani hi premier yo sungula ya xisati e Limpopo naswona i xiphemu xa ti premier letintshwa leti hlawuriweke eka swifundzha laha vandla ra ANC (African National Congress) ri nga na vunyingi.

Hi nkarhi wa mbulavulo wa yena wo sungula, u khensile a tlhela a amukela vutihlamuleri lebyi a nyikiweke byona tani hi premier wa xifundzhankulu xa Limpopo. “Ndzi xiximiwile swinene hi nkateko wo rhangela Limpopo eka vumundzuku bya nhluvuko, ku humelela na vun’we,” ku vula Ramathuba.

Limpopo Province celebrates a historic moment as DR Phophi Ramathuba is appointed as the new Premier, she is the 1st woman to hold the position. In her acceptance speech, the newly appointed Premier said,l. pic.twitter.com/DQOHz41lup

— Limpopo Provincial Government (@OtpLimpopo) June 14, 2024

Eka xifundzhankulu xa Eastern Cape Oscar Mabuyane u ya emahlweni tani hi premier, kasi Maqueen Letsoha-Mathae u siva Mxolisi Dukwana e Free State. Panyaza Lesufi kahari yena a fambisaka eGauteng. Mandla Ndlovu u teka vurhangeri eMpumalanga, a tlhandlama Refilwe Mtsweni-Tsipane, naswona Kagiso Lazarus Mokgosi i premier lontshwa wa North West. Zamani Saul u vuyela eka theme ya yena ya vumbirhi tani hi premier e Northern Cape.

GCIS